امي الحبيبة......ضميني لصدرك

أمي الحبيبة....

أمي يا أول حب عشته في دنياي
يا أول أسم تنطق شفاي طاريه
أنتي هوى روحي وبعروقي الماي
عمري بدونك عمر ما عشت أنا فيه
يا ما لقيتك في شتاء وقتي دفاي
حضنك يدفيني بحنانه وأدفيه
ويا ما مسكتي من على الوقت يمناي
خوفاً علي من الزمان وبلاويه
أنتي نظر عيني وبسمة شفاي
وأنت هوى قلبي وحبه وغاليه
وأنت صبرك اللي تعدى عطاياي
لو عشت كل العمر ما اقدر أوفيه
تدعين ربي لي يسدد خطاي
وأرفع أنا كفي لله وادعيه
ياربي تمنحني رضاها في دنياي
وإن ما رضت عني ترى العيش ما بيه